Under Iditarod kom eg i snakk med ein ung pilot som frakta ein japansk frilansfotograf langs trailen. Det viste seg at dette var Jay, sonen til Paul Claus som eig Ultima Thule Lodge (.com) saman med kona Donna. I fjor hadde CP-elev Aleksander jobba på denne lodgen i friperioden og visstnok hatt det fantastisk så det var ikkje nei i min munn då Jay foreslo at eg òg kunne komme på besøk.
Som sagt så gjort! Etter Brooks Range turen satte eg meg på flyet til Anchorage og vart plukka opp av besteforeldra til Jay og kjørt ut til Chitina der Jay plukka meg opp med ein Cessna Skywagon 185. Turen opp til lodgen tok rundt 40 minutt og førte oss opp gjennom ein enorm dal som Chitina river hadde grove ut. På kvar side av dalen var det kvite fjelltoppar så langt auge kunne sjå - eit fantastisk syn! Sjølve lodgen var ikkje stort
God mat...
verre. Det viste seg å vere ein stad for folk som har meir enn til salt i grauten med kundar som Jim Carrey og Steven Segal (som dei måtte avslutte kundeforholdet med etter at han ville drepe bjørn - med kniv).
Dagane gjekk dei første vekene med til småjobbar som vasshenting, rydding, litt matlaging og generelt flyplassarbeid. På kvelden stelte Donna i stand middagar av ei anna verd og eg rulla i seng kvar kveld...
Løn for strevet fekk eg i form av skiturar med fly. Heliskiing er eit konsept eg hadde høyrd om tidlegare, men på denne lodgen var det bushfly som gjaldt! Utstyrt med ski i stadan for hjul kunne Paul lande på dei fleste toppar i området, sleppe folk av, lande i bunnen av bakken og fly opp igjen på ein ny topp. Betre blir det ikkje.
I will be back...
Tekst og foto: Eirik Nesheim
Skrevet av Cirkum Polare Alaska. Sist endret 30/05-2010.
